Një krim kombëtar dhe heshtja e mediave të Tiranës
nga Rexhep Shahu
Askush, asnjë media e Tiranës nuk reagoi pse e zhdukën këtë memorial dhe u bë dëshira serbe…
Ky memorial, kjo Muranë, ky gur varri u ngrit tre vjet më parë në qytetin e Kukësit në kujtim të mbi 2 mijë kuksianëve të masakruar nga ushtria serbe në nëntor 1913.
Memoriali u inagurua në Kukës me 14 dhjetor 2018.
Para pak ditësh u shemb, u rrafshua, u zhduk nga administrata aktuale e Bashkisë Kukës.
Anash memorialit është dëshmitari, sipër të cilit është e shkruar një pllakë të cilën mund ta lexoni.
Janë fragmente shqip anglisht nga shkrimi i tmerrshëm “Masakrimi në Lumë” i shkruar nga serbi më i madh proshqiptar Dimitrije Tuçeviq në ato ditë të krimeve serbe.
Patriotët e mëdhej e zhdukën këtë shenjë, këtë gur varri, këtë kujtesë. Kjo gjë, i intereson shumë Sërbisë, e cila nuk dëshiron të ketë gjurmë të krimeve të saj ndaj shqiptarëve pasi ajo don të shfaqet si viktimë. Krimet serbe në Lumë jane holokausti i parë në Europë i njohur, dëshmuar e i shkruar nga autorë botërore.
Asnjë shqiptar mik i serbëve nuk i zhduk dot ato krime edhe pse e zhdukin një memorial, i cili tashmë është në plagët e në kujtesën tonë, në fotografitë e në historinë tonë.
Vaso Cubrilloviq, akademiku serb që ka bërë dekalogun apo traktatet e shfarosjes dhe zhdukjes së shqiptarëve, në librin “Shpërngulja e shqiptarëve”, të cilin e kam botuar unë për herë të parë, thotë se në Tiranë Serbia punët i zgjidh me parë.
Ndoshta edhe heshtjen e politikës në Tiranë për zhdukjen e Memorialit në kujtim të mbi 2 mijë viktimave serbe në Kukës serbët e kanë blerë më parë.
Po heshtja e mediave të Tiranës është ulëritëse.
Unë jam në një farë mase propozues dhe inicues i ndërtimit të asaj vepre. Luftova që të ndërtohej dhe u ndërtua. Nuk mbaj përgjegjësi për krimet që ndodhin, nuk kam fuqi t’i ndaloj krimet e shëmtuara si shembja e Memorialit, por kam fuqi ta bëj të pavdekshme në libra atë memorial dhe krimin e shembjes e të zhdukjes së tij, edhe përballë heshtjes së mediave të Tiranës.
Kukësi është pasaporta morale e shqiptarëve, familja kuksiane së pari e bëri të njohur Shqipërinë në botë më shumë se çdo gjë.
Në kohën e luftës për Kosovën Kukësi u bë më i famshëm se Uashingtoni, do të thoshte Sadako Ogata.
Dy emra nga bota shqiptare njohu bota, Kosova dhe Kukësi.
Shëmbeni këtë madhështi nëse keni k..qe o ju jarana të serbëve…
Marrë nga muri i FB i Rexhep Shahut, 14 dhjetor 2021
• Titulli redaksional nga radiandradi.com
.