back to top
12.5 C
Tirana
E premte, 29 Mars, 2024

Në mbështetje të nismës: “Për Mbrojtjen e Kushtetutës”

Gazeta

Flamuj Shqiptar & Amerikan
Flamuj Shqiptar & Amerikan

Në mbështetje të nismës: “Për Mbrojtjen e Kushtetutës”

I nderuar Z. President!
Ju përshendesim nga Shtetet e Bashkuara të Amerikës.
Ne jemi dy të rinj, të lindur në kampet e internimit dhe rrjedhim nga familje, që kanë dhënë shumë për Shqipërinë.
Ju nisim këtë letër publike me përgjegjësinë dhe dashurinë për Shqipërinë, në emër të një grupimi të gjerë të rinjsh shqiptaro – amerikanë.
Së pari, ju bëjmë me dije se jemi anëtarë dhe mbështetës të Opozitës së Djathtë Jashtëparlamentare. E thënë me dhimbje “jashtëparlamentare”, si një rast unikal në historinë e politikës moderne, kur opozita detyrohet të lërë këtë tempull, për të mos u bërë dëshmitare e vjedhjeve, abuzimeve, shkeljeve flagrante konstante të Kushtetutës dhe qëndrimit në një sallë me kriminelë të dënuar dhe akoma të padënuar.
Ndërsa këtu në SHBA jemi mbështetës të Presidentit Trump dhe bashkëpunojmë me institucionet amerikane për të ndihmuar Shqipërinë.
Në rrethanat e sotme, Ju mbështesim plotësisht dhe hapur në nismën Tuaj për Mbrojtjen e Kushtetutës. Kryeministri Edi Rama, ka marrë ekonominë dhe paratë e shqiptarëve, ka zaptuar çdo institucion, dhe po e mbyll ciklin me Drejtësinë dhe Gjykatën Kushtetuese, që nesër në opozitë të mbrojë dhe gëzojë “fitoret e arritura” ekonomike.
Me dhimbje themi se Shqipëria është në kufirin për t’u quajtuar “e marrë fund” për shkak të një njeriu të vetëm: Edi Rama, i cili solli shpopullim dhe jo emigracion (sic ndodh kudo); koncesione për të vjedhur dhe jo strategji ekonomike; infermieri dhe jo mjekësi; godina arsimore, por jo arsimim; njerëz që shohin drejt Perëndimit, por që janë të pashpresë.
.
Ervin Dine dhe Agustin Mirakaj
Ervin Dine dhe Agustin Mirakaj

Z. President!

Ju keni mbetur i vetmi institucion, që duhet mbështetur dhe që si në demokracinë e lashtë greke po i drejtohet popullit për të qeverisur. Ky nivel skandaloz i Parlamentit, që nuk do të arrinte imagjinatën e askujt në fillimvitet e demokracisë, është jo vetëm i papranueshëm, por i turpshëm. Ne nuk mund të fshihemi pas gishtit. Jo. Edi Rama është fajtori i vetëm, është pengmarrësi jo vetëm i socialistëve, por edhe pengmarrësi i të gjithë shqiptarëve, të ardhmes sonë dhe fëmijëve tanë.
Ndaj grupimi i gjerë i të rinjve shqiptaro-amerikanë është me Ju dhe do t’ju bashkohemi së shpejti në luftën e saponisur për çmontimin e sistemit edramist, që do të mbetet në kujtesë si: kriminal.
Sinqerisht dhe me besim nga Nju Jork në emër të grupimit të të rinjve shqiptaro-amerikanë,
 
Ervin Dine Dine
Agustin Moisi Mirakaj
 
*Ervin Dine është diplomuar në Universitetin e Kolumbias; ka shërbyer për 8 vjet si Marins në Ushtrinë Amerikane dhe sot është Menaxher i lartë në një kompani të njohur amerikane.
 
*Agustin Mirakaj, Menaxher, biznesmen, sipërmarrës i suksesshëm në Nju Jork
.
Marre nga muri i FB. i Agustin M. Mirakaj, 24 shkurt 2020

Related Images:

More articles

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

Portali Radiandradi.com, prej 11 vitesh dhuron kontribute të përditshme në shumë fusha të kulturës, historisë dhe vlerave shqiptare. Herë pas here siti ka nevojë për mirmbajtjeje, rikonstruktim si dhe rikonceptim në formatin letër. Për ta mbajtur këtë punë shumvjeçare, ndër më seriozet dhe më të lexuarat që të vazhdojë aktivitetin bëhet e domosdoshme mbështetja e lexuesve.

Jozef Radi

Redaktor i Radi & Radi

Artikujt e fundit

Copy Protected by Chetan's WP-Copyprotect.