back to top
11.5 C
Tirana
E premte, 29 Mars, 2024

Mitrush Kuteli – Dhimitër Pasko – Një emanacion i Ndritshëm i Shpirtit Shqiptar nga Kristaq Jorgo

Gazeta

Dhimiter Pasko - Mitrush Kuteli ( 1907-1967)
Dhimiter Pasko – Mitrush Kuteli ( 1907-1967)

Dhimitër Pasko – Mitrush Kuteli

Një emanacion i Ndritshëm i Shpirtit Shqiptar

nga Prof. Kristaq Jorgo

4 maji, dita kur Shpirti i Dhimitër Paskos – Mitrush Kutelit, u ngjit në tjetrën Jetë, do të shënohet me siguri dikur në kalendarin shpirtëror tonin si një e Kremte Kombëtare.
Dhimitër Pasko – Mitrush Kuteli nuk është një Individ i shquar, nuk është vetëm një Personalitet i madh, nuk është vetëm një Krijues i rrallë: Dhimitër Pasko – Mitrush Kuteli është shumë më tepër se kaq!
Një Emanacion i Ndritshëm i Shpirtit Shqiptar, me të cilin Bota Shqiptare për herë të parë në historinë e saj ia doli t’arrijë plotësimin e një përkryerjeje të shumëfishtë: të Qenies njerëzore, të Qenies atdhetare, të Qenies qytetare, të Qenies etike e të Qenies krijuese në Jetën dhe Veprën e një Njeriu të vetëm.
Pa këtë vetëtimë drite shpirtërore që e përshkon tej për tej, pa këtë dorëzim tërësor ndaj virtytit, pa këtë neveritje hyjnore ndaj materialitetit e së ligës, pa këtë flijim të vetjakes ndaj së përgjithshmes, pa këtë vetëqortim që veçse shenjtëria e ka, pa sinqeritetin e ndershmërinë sublime, pa devocionin e hekurt për detyrën, pa njësimin dashuror me çdo gjymyrë e çdo përmasë t’Atdheut, pa mrekullitë që përjetë ia fali Shqipes e Shqipërisë – Pa Dhimitër Paskon – Mitrush Kutelin Botës Shqiptare nuk do t’i mungonte thjesht një Individ i shquar, një Personalitet i madh, një Krijues i rrallë.
Pa Dhimitër Paskon – Mitrush Kutelin Botës Shqiptare do t’i mungonte një pikë reference, një institucion, një përmasë.
Një përmasë ndërtuese themelore!

Marrë nga muri i Fb i Prof Kristaq Jorgos, 4 maj 2019

Related Images:

More articles

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

Portali Radiandradi.com, prej 11 vitesh dhuron kontribute të përditshme në shumë fusha të kulturës, historisë dhe vlerave shqiptare. Herë pas here siti ka nevojë për mirmbajtjeje, rikonstruktim si dhe rikonceptim në formatin letër. Për ta mbajtur këtë punë shumvjeçare, ndër më seriozet dhe më të lexuarat që të vazhdojë aktivitetin bëhet e domosdoshme mbështetja e lexuesve.

Jozef Radi

Redaktor i Radi & Radi

Artikujt e fundit

Copy Protected by Chetan's WP-Copyprotect.