Lazër Radi: Memoriali I – Prizreni (Dorëshkrim)

Lazër Radi: Memoriali I – Prizreni (Dorëshkrim)

Lazër Radi: Memoriali I – Prizreni (Dorëshkrim)

“Në mjegullnajë t’kujtimeve”

Memoriali i Dr. Lazër Radit, përbahet nga tre libra mjaft të randsishëm, të cilët ende s’kanë mbrritë me e pa dritën e botimit! Libri i I i Memorialit titullohet “Në mjegullnajë t’Kujtimeve”, dhe në flitet për trembdhejtë vitet që autori kaloi në qytetit e tij të lindjes në Prizren… dhe që mbetet nji nga dëshmitë ma të papërsëritshme ta raportit të njeriut me qytetit e vet të lindjes…

Fragment nga libri…
“Prizreni, asht qyteti im i lindjes.
Ai asht qyteti ma i mrekullueshëm i kësaj bote, thjesht pse asht qyteti i fëminisë sime, qyteti i andrrave të mia ma të para dhe i dëshirave të mia mbetun pezull n’ajri.
Prizreni kishte historitë dhe legjendat e veta që rrjedhin pa prà ndër kohna ashtu si ujnat e Bistricës, po që mue më ka pëlque gjithnji ta thërras Lumbardhë.
Edhe ky rrëfim për qytetin tim dhe për vete, tashma asht pjesë e kësaj legjende…
Si çdo qytet i lashtë i kësaj bote edhe Prizreni ka nji ditë lindjeje për të cilën askush s’e ka përcatue dot saktë, ka historitë, traditat dhe zakonet e veta, ka karakteristikat dhe të veçantat herë të ngjashme me qytete të tjera të kësaj bote, por ma shumë të pangjashme me askend tjetër…”