back to top
14.5 C
Tirana
E enjte, 28 Mars, 2024

Kur çelin sythat e rinj – poezi nga Bilal Xhaferri

Gazeta

Bilal Xhaferri (1935-1986)
Bilal Xhaferri (1935-1986)

Kur çelin sythat e rinj

poezi nga Bilal Xhaferri

Ndoshta, gorica plakë,
në rrënjët e të cilës varrose birin tënd,
ka çelë sythat e rinj,
të bardhë.
Ndoshta…
është tharë.
Ende gurgullon
burimi aty pranë…
Ndoshta këndon
Ndoshta…
qan.
Të mos kish vapë,
të freskonte buzën e tharë
e varrose tët bir poshtë gorricës plakë
pranë burimit
me ujë kristal.
 
O nënë,
I kërkova gjatë
edhe goricën plakë
edhe burimin..
por…
nuk i gjeta,
Nga Arpica në Qafë Botë
në këmbë e bëra rrugën,
në livadhet çame, netëve të qershorit
bashkë me hënën
fjeta.
Në çdo rrënjë gorrice,
pranë çdo burimi
vendosa një lule…
Derdha edhe disa pika lot
Eh, sa e gjatë m’u duk rruga
Arpicë-Qafë Botë,
 
Nënokja ime.
Yt bir,
tokën e butë çame ka si djep.
Dhe
Çamëria,
si një nënë e mirë
djepin ia përkund,
i këndon ninullë
nuk e le të qaj
i jep të pijë nga gjiri i saj.
i ledhaton ballin me dashurinë e një nëne të vërtet
i puth sinë..
Prehu o nënë e qetë
e kemi të mrekullushme
nanëmadhen,
…Çamërinë.

 

Related Images:

More articles

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

Portali Radiandradi.com, prej 11 vitesh dhuron kontribute të përditshme në shumë fusha të kulturës, historisë dhe vlerave shqiptare. Herë pas here siti ka nevojë për mirmbajtjeje, rikonstruktim si dhe rikonceptim në formatin letër. Për ta mbajtur këtë punë shumvjeçare, ndër më seriozet dhe më të lexuarat që të vazhdojë aktivitetin bëhet e domosdoshme mbështetja e lexuesve.

Jozef Radi

Redaktor i Radi & Radi

Artikujt e fundit

Copy Protected by Chetan's WP-Copyprotect.