, Sherifi (1843-1874), Naimi (1846-1900), Samiu (1850-1904), Tahsimi (1853-1876) dhe Mehmeti (1856-1918). ){kind=link}
Familja e Madhe e Halid Bej Frashërit
Halid Bej Frashëri, gjyshi i Mid’hat Frashërit, nuk pati fëmijë nga martesa e tij e parë.
Pasi ndërroi jetë e shoqja, Halidi u martua me Emine Mirahorin.
Halidi me Eminenë patën familje të madhe, 6 djem dhe 2 vajza. Djemtë e familjes ishin Abdyli (1839-1892), Sherifi (1843-1874), Naimi (1846-1900), Samiu (1850-1904), Tahsimi (1853-1876) dhe Mehmeti (1856-1918). Vajzat e familjes ishin Nafizeja (1841-1894) (e dyta e 8 fëmijëve, e lindur pas Abdylit) dhe Shahnishaja (1848-1871) (e pesta e 8 fëmijëve, e lindur pas Abdylit, Nafizesë, Sherifit dhe Naimit). Pas saj vinin Samiu, Tahsimi dhe Mehmeti.
Kur lindi Mid’hati, ungjërit e tij Sherifi dhe Tahsimi dhe hallë Shahnishaja kishin ndërruar jetë. Të tre vdiqën në moshë të re, ndërsa i vogli mes tyre, Mehmeti, vazhdoi në gjurmët e vëllezërve të tij më të mëdhenj, Abdylit, Naimit dhe Samiut. Ajo rrugë u ndoq më vonë me devotshmëri edhe nga i biri i Abdylit, Mid’hat Frashëri.
Kjo foto (e bërë rreth mesit të viteve 1860): janë djemtë e Halid Frashërit dhe Emine Mirahorit në Janinë – Abdyli, ulur në mes, i rrethuar nga vëllezërit e tij Sherifi, Naimi, Samiu, Tahsimi dhe Mehmeti i vogël në këmbë pranë tij.
Shënim: Ky postim synon të japë informacion fare pak të njohur nga publiku shqiptar mbi familjen patriotike të Halid Bej Frashërit. Pas një postimi të ditëve të fundit, në përvjetorin e vdekjes së Mehmet Frashërit, disa vizitorë të faqes shprehën habi për rolin patriotik të Mehmet Frashërit, vëllait të vogël të Abdylit, Naimit dhe Samiut.
Administratori i faqes se FB Mid’hat Abdyl Frashëri