Mirash dhe Martin Ivanaj: Epopeja e Njeriut (poezi)

Kopertina e librit Epopeja e Njeriut

“Epopeja e Njeriut”

Poezi në serbisht nga Mirash dhe Martin Ivanaj

Përktheu Lazër Radi

Redaktoi Jozef Radi; Shtëpia botuese “Liria” Tiranë 1996, 500 kopje, (fq. 83)

Ndërsa kërkonte me plotësue me dokumentacion nga arkivat monografinë mbi jetën veprën dhe vdekjen e profesorit dhe mikut të vet Mirash Ivanajt, në Arkivin e Shtetit, ai gjen nji libër mjaft të çmueshëm poetik, me rreth njizetetre poezi, nji libër që hedh dritë të re mbi figurat mitike te dy vllazënve Ivanaj. Mbasi i studioi për nji kohë të gjatë vlerat e këtyne poezive të pazakonshme, dhe shqyrtoi mundësinë e botimit të tyne, ai iu fut punës me përkthye kët dorshkrim të harruem. Ajo çka asht edhe mjaft interesante prej këtij botimi, asht esseja që i prin botimit e shkruene nga përkthyesi Dr. Lazër Radi, e cila përban edh nji pikvështrim mjaft interesant mbi kët dokument me randësi të jashtëzakonshme për kulturën dhe poezinë shqiptare…

“…Libri i vëllezërve Ivanaj “Epopeja e Njeriut” mund të titullohej ndryshe edhe “Lirika të nji dashnie të humbun.” Burim i kësaj vepre asht nji dashni pasionale e fuqishme, ku çdo qelizë e nji shpirti të ndezun ndjen dhe vuan njiherit. Humbja e kësaj dashnie, vdekja e kësaj vajze sjell me vete gjithë kompleksitetin e nji dhimbje tronditëse… që i jep jetë këtij libri, në dukje të vogël, mjaft vlera…” l.r