back to top
8.5 C
Tirana
E premte, 29 Mars, 2024

Dvojniku… nga Klodi Stralla

Gazeta

Vladimir Majakovskij 1912
Vladimir Majakovskij 1912

Dvojniku…*

nga Klodi Stralla

85 vjet më parë, paraditen e 14 prillit të vitit 1930, poeti më i madh sovjetik, Vladimir Majakovski, vrau veten në moshën 37 vjeçare. Eshtë folur shumë për këtë vetvrasje, për shkaqet më të thella të saj.
Pushkini i Madh dihet, u vra në një duel, viktimë e mentalitetit të kohës; u vetëvra në kushte të depresionit, edhe poeti tjetër lirik rus Essenini…
Majakovski jetoi dhe prodhoi në epokën komuniste ku vetvrasja konsiderohej dobësi për individin dhe dënohej nga Partia. Ndonëse funerali i tij u bë madhështor, me urdhër të vetë Stalinit, në një letër që Majakovski shkroi 3 ditë para vetvrasjes, e bëri të qartë pamundësinë e vet për ta vazhduar më tej atë jetë të dyfishtë.

Vladimir Majakovskij dhe Frida Kahlo
Vladimir Majakovskij dhe Frida Kahlo

Ja se si është shprehur ai artistikisht:
“…Dvojniku nuk ka qenë i tmerrshëm për mua në fushën e politikës, ai nuk ka qenë i tmerrshëm as në fushën e poezisë, por ka qenë i tmerrshëm në liqenin e vogël sentimental, mbi të cilin ja thotë këngës bilbili, ndriçon hëna, lundron varka e dashurisë – ja aty ku u peërmbysa unë. Mos pyesni më për këtë. Këtu dvojniku u paraqit më i fortë, këtu ai më mundi, më përmbysi, dhe unë e ndjeva, nuk mund ta jetoja të ardhmen si një njeri i thyer shpirtërisht më dysh. Dvojniku i hapi atij një brimë, dhe i shkaktoi të çara të mëdha, dhe ai, Majakovski metalik, nuk desh më të lundronte nëpër oqeane me të tilla difekte – më mirë do të ishte t’i jepte fund jetës në kulmin e lulëzimit të forcave të tij krijuese. Mos fajësoni për këtë askënd tjetër…!!”
Nuk është e vështirë të kuptojmë se revolucioni, të cilin ai e përqafoi qysh fëmijë, kishte marrë një rrjedhë tjetër. Humanizmi i kishte lënë vendin krimit; njeriu i madh me ideale ishte zëvendësuar nga aparatçiku i bindur dhe servil i Partisë; harmonia dhe barazia sociale e ëndërruar qe zëvendësuar nga lufta e pamëshirshme e klasave; bota e bukur e artit, qëllimi i jetës së tij, me militantizmin komunist. Tek Majakovski filluan të jetojnë njëherazi, në të njejtin trup, dy shpirtra: Dvojniku, dhe ai personalitet i madh e fisnik… Ai e ndjeu të pamundur të jetojë e krijojë në rrethana të tilla. (Sa kontraston ky qëndrim i tij me atë të lakejve tanë të artit të realizmit socialist!!)

Varri i Majakovskijt (1893-1930)
Varri i Majakovskijt (1893-1930)

Por kush ishte Vladimir Majakovski!?
Vladimir Vladimiroviç Majakovski, në moshën 15 vjeçare anëtaresohet në Partinë Bolshevike të Leninit, merr pjesë aktivisht në manifestimet revolucionare të 1908-ës. Arrestohet tri herë për konspiracion kundra Carit dhe poezinë e parë e shkruan në burgun e Boutyrskaja në 1909, kur ishte vetëm 16 vjeç. Revolucionin Bolshevik e pret me krahët hapur dhe vendos gjithë talentin e tij në shërbim të Revolucionit (Këtu futet poema e famshme e tij “Lenini”). Majakovski qe njëherazi poet, dramaturg, kritik arti, aktor, piktor dhe skenarist i një prodhimtarie të gjithanshme e cilësore. Por mbi të gjitha ai mbetet një personalitet i madh, nga ata që i mungojnë shumë kohës sonë.
Marrë nga muri i fb i Klodi Strallës, 13 prill 2015

*Dvojnik – (rus) i dyfishti, i dyfytyrti

Related Images:

More articles

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

Portali Radiandradi.com, prej 11 vitesh dhuron kontribute të përditshme në shumë fusha të kulturës, historisë dhe vlerave shqiptare. Herë pas here siti ka nevojë për mirmbajtjeje, rikonstruktim si dhe rikonceptim në formatin letër. Për ta mbajtur këtë punë shumvjeçare, ndër më seriozet dhe më të lexuarat që të vazhdojë aktivitetin bëhet e domosdoshme mbështetja e lexuesve.

Jozef Radi

Redaktor i Radi & Radi

Artikujt e fundit

Copy Protected by Chetan's WP-Copyprotect.