back to top
8.5 C
Tirana
E premte, 29 Mars, 2024

Çfarë ka qenë Lufta e Vlorës 1920? – nga Genci Hoti

Gazeta

Pikturë - Lufta e Vlorës
Pikturë – Lufta e Vlorës

Çfarë ka qenë Lufta e Vlorës 1920?

nga Genci Hoti 

Po të duash të studiosh përmbajtjen reale të Luftës së Vlorës 1920, do të hasësh në një fenomen të çuditshëm, jo vetëm në përmasat e manipulimit të saj, por literatura mbi këtë luftë ka dy veçori:
1.Manipulimi i përmbajtjes së saj fillon që në vitin 1923.
2.Literatura mbi këtë luftë është shumë e pakët përpara vitit 1944, ka disa studime përgjat periudhes 1951-1991, por studimet e pas 1991, mbi këtë temë janë në numër kaq të shumta (dhjetëfishi i të dy periudhave paraardhëse) sa krijohet bindja që shqiptarët ngulin këmbë tek mashtrimi historik si karakteristika themelore e historisë së tyre.
Sipas të gjithë materialeve mbi Luftën e Vlorës 1920, të autorëve shqiptarë e të huaj, tepër kontradiktore në data dhe fakte midis tyre rezulton:
Grafika të Lufta së Vlorës
Grafika të Lufta së Vlorës
1.Nuk është e qartë arsyeja përse shpërtheu Lufta e Vlorës 1920, nga pikëpamja ushtarake, kur ana diplomatike e kishte vendosur largimin e italianëve!
2.Nuk është e qartë se kush ka luftuar realisht në këtë luftë; sipas një pakice tepër të vogël kanë qenë vetëm vlonjatët dhe lebërit e Lumit të Vlorës, ndërsa sipas disa të tjerëve, një shumicë dërmuese, ka qenë e gjithë Labëria, bashkë me gjithë Shqipërinë e Jugut e të Mesme.
3.Nuk është e qartë data e saktë e luftimeve (kjo datë fillon me 20 maj, 4-5, 10-11, deri me 23 qershor, por ka luftime edhe me 23 korrik 1920, apo me 26 gusht 1920, por nënkuptimi analitik shkon deri me 3 shtator).
4.Nuk është e qartë se sa kanë vazhduar luftimet në kohë, sipas disave mbi 12 orë, disa1-2 ditë, disa 2-3 ditë, disa nga 5 qershori deri 2 gusht e disa 93 ditë.
5.Nuk është e qartë përmasa e luftimeve pasi Protokolli i Tiranës i datës 02 gusht 1920, midis qeverisë shqiptare dhe asaj italiane është krejt në kundërshtim me propagandimin e saj.
6.Nuk është e qartë se çfarë realizuan në fund luftëtarët shqiptarë në këtë konflikt të armatosur, kur largimi i forcave italiane u realizua me anë të Protokollit të datës 02 gusht 1920, midis kësaj date dhe 2 shtatorit 1920.
7.Nuk është e qartë në asnjë përmasë përse krenohen subjektet nacionaliste dhe pasardhësit e tyre, pjesëmarrëse në atë luftë të zmadhuar në mënyrë tepër imagjinare, deri në atë masë sa vihet në dyshim ekzistenca historike e saj.
8.Vetëm në një rast përmendet data 22 korrik 1920 si datë kur shqiptarët kanë luftuar kundra italianëve, por që shumë më vonë do të konsiderohet si data vendimtare e triumfit të armëve shqiptare kundra italianëve. Kjo datë duhet të përbëjë manipulimin e parë kohor të Luftës së Vlorës 1920, dhe rëndësia e saj qëndron në gjetjen e autorëve që e kanë përdorur si datë në argumentimin historik të lidhjes me 2 gushtin 1920.
9.Por ka edhe hipoteza që Lufta e Vlorës 1920, filloi si një luftë bandash për të grabitur depot e armatimit të ushtrisë italiane ku disa oficerë italianë bashkëpunuan me banditët shqiptarë dhe disa nuk i lanë, e për rrjedhojë filloi lufta mbi të cilën është ngritur një lavdi imagjinare.
Arsyeja e lindjes së këtyre 9 dyshimeve historike është e lidhur me fallsifikimin rrënjësor të asaj lufte, që nga dita e shpërthimit të saj dhe këto fallsifikime janë kaq ordinere sa çdokush që ka pasur dëshirën të shkruajë për atë kohë e ka përdorur Luftën e Vlorës 1920, si koperturë të një heroizmi justifikues për çdo ngjarje të ndodhur në Shqipëri pas 1920.
Për të kuptuar se si është fallsifikuar historia e Luftës së Vlorës 1920, mund të lexoni tek genckhoti artikujt (në fakt është një libër prej 200 faqesh a4) 139/1 dhe 139/2 – çfarë përfaqëson Lufta e Vlorës e vitit 1920, në Historinë e Shqipërisë dhe përse krenohen tipikisht disa shqiptarë jo Vlonjatë me të? (Ndryshe: të pathënat e një bllofi historik madhor; ose, vazhdimi i mënyrës së krijimit të miteve të rreme shqiptare).
.
Halim Xhelo për Luftën e Vlorës...
Halim Xhelo për Luftën e Vlorës…
Vetëm se nuk është mirë të diskutohet mbi këtë temë pa lexuar më përpara se çfarë është shkruar mbi Luftën e Vlorës 1920, dhe kujt i takojnë dafinat e fitores realisht, edhe pse përmasat e asaj lufte nuk janë saktësuar asnjëherë saktë. Por lexuesi në këtë pikë do të dallojë se nuk ka dy libra që shkruajnë për Luftën e Vlores 1920, në mënyrë të njëjtë, sidomos pas 1992.
Me sa kam kuptuar Lufta e Vlorës 1920, është përdorur pas 1992 nga shumë autorë për të “rregulluar” moralin e prishur përgjat epokës komuniste.
.
Marrë nga Muri i FB i Tirona, 17 Maj 2021
.

Related Images:

More articles

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

Portali Radiandradi.com, prej 11 vitesh dhuron kontribute të përditshme në shumë fusha të kulturës, historisë dhe vlerave shqiptare. Herë pas here siti ka nevojë për mirmbajtjeje, rikonstruktim si dhe rikonceptim në formatin letër. Për ta mbajtur këtë punë shumvjeçare, ndër më seriozet dhe më të lexuarat që të vazhdojë aktivitetin bëhet e domosdoshme mbështetja e lexuesve.

Jozef Radi

Redaktor i Radi & Radi

Artikujt e fundit

Copy Protected by Chetan's WP-Copyprotect.