back to top
12.5 C
Tirana
E premte, 29 Mars, 2024

“Çast lamtumire” – Djalit – poezi nga Mitrush Kuteli

Gazeta

Mitrush Kuteli dhe Familja
Mitrush Kuteli dhe Familja

“Çast lamtumire”

– Djalit

poezi nga Mitrush Kuteli

 
Pra, bir, mos qaj: ky është ligji i qenies
Të vijë rrotull dhe të kthehet rishtaz
Përbrenda gjirit t’amës s’amëshuar
Të mosqenies.
 
Ku janë ata që patën qenë? Shkuan
Atje ku qenë – lanë prapa tyre
Një tingull n’erë, shuar dalngadalë,
Si çdo qenie.
 
Nga shtati i tyre ngjizet rishmë jeta
Që duhet rrojtur: mbajtur, vojtur, falur
Kur çasti i madh troket në derën tonë
Urdhëronjës.
 
Koprace është jeta në të mira
Dhe dorëhapur gjëmash dhe mënxyrash –
Të gjitha duhen hequr dhe duruar
Zemërkthjellët.
 
Un’ rrethin tim e mbylla keq a mirë,
Si vdekëtar i thjeshtë – hallkë e lidhur
Dhe shkoj i velur hojesh dhe sherbelesh
Pa keqardhje.
 
Do rroj, shpresoj, ca kohë, brenda teje
Se kjo ka qenë ëndrra ime: shpirtin
Tim trashëgim të ta le pas vdekjes
Siç e mora.
 
Vazhdo dhe ti të jetës shteg, të shkruar:
Te larta mos lakmo – se shtypës bëhesh
As poshtë shumë mos rrëshqit, se shtypesh,
Qofsh i lumtur!
1967
Mitrush Kuteli me familjen
Mitrush Kuteli me familjen

Related Images:

More articles

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

Portali Radiandradi.com, prej 11 vitesh dhuron kontribute të përditshme në shumë fusha të kulturës, historisë dhe vlerave shqiptare. Herë pas here siti ka nevojë për mirmbajtjeje, rikonstruktim si dhe rikonceptim në formatin letër. Për ta mbajtur këtë punë shumvjeçare, ndër më seriozet dhe më të lexuarat që të vazhdojë aktivitetin bëhet e domosdoshme mbështetja e lexuesve.

Jozef Radi

Redaktor i Radi & Radi

Artikujt e fundit

Copy Protected by Chetan's WP-Copyprotect.