back to top
11.5 C
Tirana
E enjte, 28 Mars, 2024

Busti dhe shtatorja e gjeneral Tellinit – Gazmend Bakiu

Gazeta

Monumenti i Gjeneral Tellinit - Tiranë
Monumenti i Gjeneral Tellinit – Tiranë

Busti dhe shtatorja e gjeneral Tellinit

nga Gazmend Bakiu

Gjenerali italian Enrico Tellini bënte pjesë në Komisionin e Përcaktimit të Kufijve, midis Shqipërisë dhe Greqisë. Për qëndrimin e tij korrekt… grekët e vranë me 27 gusht 1923, dhe për këtë i akuzuan shqiptarët, mirëpo e vërteta nuk fshihej dot dhe doli në shesh, pas jo pak komplikacioneve diplomatike.
Së fundi, grekët u detyruan ta pranojnë vrasjen dhe paguan dëmshpërblimin. Mbas pushtimit të vendit, fashistët i bënë një bust Gjeneral Tellinit në vitet 1939-40. Por, kur filloi lufta italo-greke (28 tetor 1940), italianët menduan se gjenerali Tellini duhej evokuar më fort, prandaj përgatitën dhe vendosën një monument tjetër për të, autori i të cilit ishte skulptori Odhise Paskali. Shtatorja ndodhej jo larg Parlamentit të sotëm, dhe sigurisht ishtë më e arrirë se busti, i cili u hoq.
Me ardhjen e kornunistëve në pushtet, Monumenti i Gjeneral Tellinit u shkri në fonderi, dhe në atë piedestal u vendos busti i Qemal Stafës, i cili pas vitit 2000, me zgjerimin e rrugës që sot quhet “Xh. W. Bush” u zhvendos në lulishten pranë Presidencës.

Busti i Gjeneral Tellinit
Busti i Gjeneral Tellinit

Pak a shumë në atë vend ku ishte Monumenti i Tellinit, tani është e vendosur shtatorja e Fan Nolit…
(Nga libri “Tirana e vjetër” i Gazmend Bakiut, Mediaprint, Tiranë, 2013, fq. 238/39)

Related Images:

More articles

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

Portali Radiandradi.com, prej 11 vitesh dhuron kontribute të përditshme në shumë fusha të kulturës, historisë dhe vlerave shqiptare. Herë pas here siti ka nevojë për mirmbajtjeje, rikonstruktim si dhe rikonceptim në formatin letër. Për ta mbajtur këtë punë shumvjeçare, ndër më seriozet dhe më të lexuarat që të vazhdojë aktivitetin bëhet e domosdoshme mbështetja e lexuesve.

Jozef Radi

Redaktor i Radi & Radi

Artikujt e fundit

Copy Protected by Chetan's WP-Copyprotect.